كيف فيني أوثق بـ فرحهم ؟

أول و أهم سؤال رح يخطر ببالك لما تتعرف على فرحهم لأول مرة, متلك متل أي انسان واعي عم يشوف ويسمع عن مواقع النصب المنتشرة هالأيام

وللأسف هالمواقع بتنتشر بحكم أنو ما في كتير طرق للتأكد من كل موقع إذا كان ثقة أو لاء, ولأنو صاحب الحاجة متل ما بيقولو "أرعن" بالتالي في ناس كتير حتستغل هالحاجة لتعمل مواقع نصب بطرق وأساليب متعددة

بإختصار للأسف ما في كتير أساليب مقنعة منقدر نأكدلك فيها أنو فرحهم مو واحد من هالمواقع اللي ما فيك توثق فيها, خصوصي أنو فرحهم موقع جديد ولسى ما كتير  انشهر بين العالم وبحكم أنو مالو موقع ربحي فما عندو الإمكانيات لحتى يعمل اعلانات تزيد من شهرتو ومصداقيتو عند الناس لأنو الحملات الإعلانية بتكلف مبالغ كبيرة وهالشي رح يأثر على أسعار خدماتنا اللي منهدف طول الوقت أنو تكون أسعار جيدة ومدروسة  لأننا منآمن أنو أهلك أحق بكل قرش حتدفعو

بس فيك تاخد فكرة جيدة عن فرحهم من خلال آراء الناس اللي سبق وتعاملت مع الموقع وجربت خدماتو المتعددة, وخاصة اذا كانت هالآراء موجودة على منصة معروفة ومن غير الممكن التلاعب فيها

موقع الفيسبوك مثلاً متل ما بتعرف بيتيح للمستخدمين إمكانية تقييم أي صفحة موجودة عليه بكل شفافية بدون أي إمكانية لصاحب هالصفحة لـ تزوير أو تعديل أو حذف هالتقييمات. يعني أي صفحة موجودة عالفيسبوك بتقدر تفعل أو تلغي خاصية تقييم الصفحة ولكن ما بتقدر تمحي تقييم تمت كتابته من أحد المستخدمين عم يقول فيه كمثال *موقع نصب , نصيحة لا حدا يتعامل معهم
بإختصار التقييم اللي بينكتب لا يمكن مسحه إلا من قبل اللي كتبه

مشان هيك بدنا نعطيك لمحة عن آراء الناس اللي تعاملوا مع فرحهم وشو كان رأيهم بالخدمة