كيف فيني أوثق بموقع فرحهم ؟ - هل فرحهم ثقة ؟ موثوق ؟ مضمون؟

نصيحة : اذا ماعندك وقت تقرأ . اقرأ المكتوب بالخط العريض فقط

أول وأهم سؤال رح يخطر ببالك لما تتعرف على فرحهم لأول مرة, متلك متل أي انسان واعي عم يشوف ويسمع عن مواقع النصب المنتشرة هالأيام.

كيف فيني أوثق بـ فرحهم ؟

مواقع النصب منتشرة بحكم أنو ما في كتير طرق للتأكد من كل موقع إذا كان ثقة أو لاء, ولأنو صاحب الحاجة متل ما بيقولو "أرعن" بالتالي في ناس كتير حتستغل حاجتك لتعمل مواقع نصب بطرق وأساليب متعددة.

بإختصار فيك تاخد فكرة جيدة عن فرحهم من خلال آراء الناس اللي سبق وتعاملت مع الموقع وجربت خدماتو المتعددة, وخاصة اذا كانت هالآراء موجودة على منصة معروفة ومن غير الممكن التلاعب فيها.

موقع الفيسبوك مثلاً متل ما بتعرف بيتيح للمستخدمين إمكانية تقييم أي صفحة موجودة عليه بكل شفافية بدون أي إمكانية لصاحب هالصفحة لـ تزوير أو تعديل أو حذف هالتقييمات. يعني أي صفحة موجودة عالفيسبوك بتقدر تفعل أو تلغي خاصية تقييم الصفحة ولكن ما بتقدر تمحي تقييم تمت كتابته من أحد المستخدمين عم يقول فيه كمثال *موقع نصب , نصيحة لا حدا يتعامل معهم
بإختصار التقييم اللي بينكتب لا يمكن مسحه إلا من قبل اللي كتبه.

مشان هيك بدنا نعطيك لمحة عن آراء الناس اللي تعاملوا مع فرحهم وشو كان رأيهم بالخدمة :

اشكركم من قلبي على خدمتكم المميزة و السريعه و على الاخلاق بالتعامل وفقكم الله على هذه الخدمه انصح بالتعامل مع فرحهم كانت لي ثلاث تجارب معهم الى الان وجميعها كانت بنفس المصداقيه واذا كان لاحد استفسار عن تجربتي معهم بامكانه التواصل معي

Alan Halabi

Aurora, Canada

معاملة جيدة جدا, الرد سريع ومحترمين كتير الجماعة! انا بتفهم بالبداية انو ما يكون الواحد واثق وانو يحسبها نصبة, بس اذا الواحد فكر فيها عقلانيا, الجماعة مابدون يضربوا اسم الشركة مشان 3 يورو، يعني مامحرزه ( هي عم احكي اذا حولتوا كبداية باصغر باقة ) بتمنى انو كون فدت حدا بالتعليق

Baraa Mhe Al Deen

تجربتي مع فرحهم كانت ممتازة.. الرد كان سريع بنفس اليوم و لبو طلبي كمان بنفس اليوم اللي عملت فيه الطلب.. حولت عن طريقهم وحدات لاربع خطوط مختلفة و كل شي كان تمام.. بتشكرهن و يعطيهن العافية عمجهودهن.

Hadi Alshammaa

المعاملة بتجنن و فريق العمل محترمين جدا و بنصح الكل انو يتعامل معن، بالنسبة للأسعار بصراحة ارخص صفحة بشوفا و التوصيل كان جدا سريع عنجد بنصح الكل بالتعامل معن

Hamom Alshami

Sweden

احسن صفحة تعاملت معها.. جدا محترمين وأسعارهن ممتاازة ومواعيدهن عالتكة... شكرا كتير فرحهم

Hisham Jandali

Sweden

يسلموا أيديكم والله امي فورا اتصلت معي و دعتلكم كتيرررررر , بالفعل اسم على مسمى فرحهم

Motakal Sabek

شكرآ كتير لألكم ، بتتمتعو بخدمآت كثيرة بوقت قصير . بتستآهلو آلثقة آلكآملة ❤ . ونتمنى آن تتوسع خدمآتكن آكثر وتشمل كل آلمنآطق . . لكم منآ كل آلدعم ❤ .

Fadwa Al Mualem

الخدمة كتير كويسة وسريعة وكمان سرعتهم بالرد حلوة كتير واسعارهم كتير معقولة

Loubna Khoury

Austin, Texas

اسلوب طيب ورائع وخدمة سريعة بحيث بمجرد ما تطرح سؤال يوصلك رد سريع.. الله يبارك لهم

Mostafa Jasem

Sweden

خدمة ممتازة.. سرعة بالتوصيل.. اسعار بنور الله وهي اهم شغلة.. بتمنالكم التوفيق.. (انا عن نفسي بعتت موبابل وسالت اكتر من حدا للصراحة وكلو يطلب اسعار خيال يعني ضعف السعر تقريبا لحتى حكيت مع صاحبين هالصفحة وكنت متوقع انو انصاب بخيبة امل لكن والحمد لله كان كل شيئ ايجابي وانا بنصح اي حدا انو يتعامل مع هدول الاشخاص ولا يعذب حالو ويدور). شكرا من القلب

Hamouda Jamal

كتير تعبت من استغلال باقي الصفحات لبين ما لقيت صفحتكم بالصدفة حدا عم ينصح فيها بأحد الغروبات وفتت واستغربت اديش اسعاركن قليلة واول شي خفت بس لما قرأت اراء العالم فيكن شفت كلا تعليقات مدح وقررت جربكن وما ندمت ابدا .. اسعار ممتازة مواد عالية الجودة .. سهولة وشمول ومعاملة ولا ارقى .. من كل قلبي بشكركم على هالصفحة الرائعة

Rania Alshami

فريق عمل ممتاز دقيقين بالمواعيد و الطعام من اجود الانواع و الماركات مشكورين لخدمتهم الحلوة

Tahani Almoualem

بفضل من رب العالمين كتير من الناس اللي تعاملوا معنا وجربوا خدماتنا حبوا يكتبوا رأيهم ويحكوا عن تجاربهم الناجحة مع فرحهم. الكل كان راضي و نسبة التقييمات الإيجابية كانت 100% ولأنو فرحهم هدفه الأول والأخير انو يفرحهم ويكون الوسيلة الآمنة لتقدر كمغترب تساعد أهلك وتكون معهم فـ هدفنا دائما أنو نسبة الرضا عن خدماتنا ما تنزل عن الـ 100% ومشان هيك ما رح نقبل ابداً ومهما كان السبب بأنو نزعل أي شخص حب يتعامل معنا ويستفيد من خدماتنا.

بالنهاية أكيد بتضل التجربة خير برهان , ومنتمنى أنك تستفيد من خدماتنا أنت كمان, وتصير جزء من عيلة فرحهم.