مين نحنا ؟

فرّحهم هو موقع خدمي للمغتربين هدفه الرئيسي ادخال الفرحة عقلوب أهلنا بالبلد وتخفيف الضغوط القوية اللي عم يتعرضولها يومياً
بهالأيام الحاجة كتير كبيرة لمساعدة أهلنا جوا البلد وللأسف استغلال البعض لهالحاجة أكبر, استغلال حاجتك لمساعدة أهلك عن طريق طلب اسعار خيالية وبأضعاف الأسعار الأصلية
ومن هون أجت فكرة فرّحهم ليكون وسيلتك الآمنة لتفرح أهلك بأسهل طريقة وأفضل أسعار بإذن الله

لنكون شفافين أكتر, أكيد الأسعار ما حتكون متل الأسعار بالبلد بالضبط بحكم أنو حينضاف عالأسعار زيادة رمزية بتتضمن تكاليف متعددة متل الرسوم البنكية عالدفع الأونلاين وفروقات العملات وتكاليف تحويل الأموال للبلد مع تكاليف تأمين المواد وتقلب الأسعار  الغير طبيعي بالإضافة لأجور رمزية لفريق القائمين على الموقع بالبلد ومصاريف نثرية تانية, لهالسبب أكيد حتلاقي فروقات بسيطة بالأسعار, مشان هيك اذا عندك طريقة تحويل أموال للبلد وحدا يلبيك ويأمن طلباتك لأهلك مننصحك تعمل هيك لأنو أكيد أهلك أحق بكل قرش حتدفعو

بس اللي لازم تتأكد منو انو فرحهم ما تأسس ليكون مشروع ربحي وليتم الاعتماد عليه كمصدر دخل للقائمين عليه, فرحهم الفكرة منو خدمية انسانية بحتة 

نحنا مجموعة شباب وصبايا مغتربين عن بلدنا وعن أهلنا, متل أي حدا منحب نفرح أهلنا ونخفف عنهم ضغوط الحياة الصعبة اللي عم يعيشوها بهالأيام

شفنا عدة صفحات متفرقة عوسائل التواصل الاجتماعي عم تقدم خدمات حلوة بس بأسعار خيالية مقارنةً مع الأسعار بالبلد

مساعدة أهلنا المقيمين بالبلد صارت حاجة ضرورية اليوم أكتر من أي وقت, واستغلال البعض لهالحاجة الملحة تصرف عير أخلاقي, لهيك قررنا نأسس موقع فرحهم لنكون وسيلة خير لتلبية هالحاجة بأسعار معقولة ولحتى نقدر عنجد نفرحهم ونحاول قدر الامكان نخفف عنهم ونوقف معهم

الخدمات بالبداية يمكن ما تكون كتيرة بس يوم عن يوم وبمساعدتكن بنشر الموقع ونصيحة معارفكن فيه رح نزيد ورح تزيد تلقائيا خدماتنا ورح تقل الأسعار وتكاليف الخدمات عالكل, وهيك حنقدر نخدم ونفرّح ناس أكتر

بالبدايات رح نحاول نأمن الخدمات والمواد الأساسية اللي بتحتاجها كل عيلة مقيمة بسوريا حاليا من المواد الغذائية الأساسية لمواد التدفئة او الانارة .. الخ

دردشة فرحهم حابب توصي؟ بدك مساعدة؟ تواصل معنا على 

تمت إضافة المنتج إلى المنتجات المفضلة