توصيل الطلبات

معلومات عن توصيل الطلبات

- المكان :

خدمة التوصيل عباب البيت حالياً متوفرة فقط بمدينة دمشق وما حولها, مع وجود إمكانية الشحن لأقرب مكتب شحن لباقي المحافظات السورية طبعاً فقط المواد اللي ما بتخرب وبتنتزع واللي ممكن تنشحن بدون مشاكل. منتأمل أنو بالمستقبل حيصير في توصيل عباب البيت لأغلب المحافظات السورية لحتى نقدر نفرح الكل.

طبعاً خدمات تحويل الوحدات ودفع الفواتير متوفرة لأي رقم جوال بسوريا بغض النظر عن المدينة.

- الزمان - مدة التوصيل :

توصيل الخدمات غير الملموسة متل الوحدات غالباً بيتم خلال 5 دقائق او لـ 8 ساعات كحد أقصى (على حسب وقت الطلب وضغط الشبكة في سوريا)

توصيل الخدمات الملموسة متل المواد الغذائية بيتم التوصيل على باب البيت خلال يوم واحد لـ 3 أيام كحد أقصى أو حسب الاتفاق, على حسب الطلبية والعنوان, بتلاقي معلومات التوصيل بصفحة الخدمة أو تواصل معنا مسنجر ونحنا منعطيك الجواب اليقين.

- التكلفة :

تكلفة توصيل الطلبيات مجاني 100% للطلبيات اللي قيمتها اكتر من 200$

أما الطلبيات اللي قيمتها أقل من 200$ فتكلفة التوصيل 5$ لأي مكان ضمن مدينة دمشق, و 8$ لريف دمشق.

لماذا يوجد أجور لتوصيل الطلبيات التي قيمتها أقل من 200 دولار: حتى ما تكون اسعار الخدمات والمواد عالية كتير وحتى نقدر نقدملك ياها بأسعارها الأصلية بسوريا بالإضافة لتكاليف تأمينها قررنا نضيف أجور توصيل للطلبيات القليلة بدلاً من اضافة أجور توصيل عكل مادة لوحدها بالتالي سعر كل خدمة لحالها حيكون عالي واذا قررت تطلب اكتر من مادة وخدمة بطلبية وحدة حيصير السعر عليك كتير عالي. مشان هيك قررنا نقدم المواد بأسعارها الاصلية بالاضافة لتكاليف تأمينها فقط وناخد اجور توصيل اضافية. أما للطلبيات اللي قيمتها فوق الـ 200$ أجور وتكاليف التوصيل علينا.

ملاحظة: قد تتغير أسعار التوصيل أحيانا في حال أزمات الوقود مثلاً أو لطلبات خاصة معينة

 حابب توصي؟ بدك مساعدة؟ تواصل معنا على